الانكسار والانتصار

• طبعاً الكلام ده يمكن انا مش عارف معناه بالدقة المهم ان انا فاكرة من ايام الكلية كان في كتاب بندرسة اسمه الانكسار والانتصار في تاريخ مصر.
• طبعا الانكسارات كانت اكتر من الانتصارات بالرغم من وجود العديد من الاعداء الذين أرادوا ان ينالوا من مصر ومن خيراتها بدءً من الانسان الحجري اللي كان اقعد علي الهضاب ولما المطر خف نزل علي النيل وبدء يستغل الاراضي الموجوده علي جانبي النيل وبدأ تاريخ مصر ، وبدأت الصراعات في مصر علي السلطه بين الاقاليم المختلفه لغاية ماجه واحد ووحد القطرين ( البلاد ) وهو مينا أو نارمر ومن هنا تعتبر البداية .
• المفهوم من هنا ان مصر منذ بدء الخليقة كان فيها خير خلي الناس كلها سواء اللي داخل او خارج مصر يدوروا علي أي حجه عشان يستغلوا الخير بتاعها لمصلحتهم ونفوذهم .
• انا مش عايز يبقي الكلام اللي انا بكتبه مجرد تخاريف أو تعبير بس انا نفسي ان الواحد لازم يبص لتاريخ بلاده كل واحد له نظرته اه فيه ناس بتحب بلادهم فعلا حب شريف بعيد عن اي شبهات والكل عارف نفسه .
• مرت السنوات وجاء ما يسمي في تاريخ مصر بعصر الدولة القديمة ( ويعرف ببناة الأهرامات ) طبعاً احنا عارفين ان حضارة مصر تتميز ببناء الاهرامات واللي يمكن كلنا عارفينه بس بنطنشه ان الاهرامات دي عبارة عن مقبرة عشان يدفن فيها الملك هو بس ، اسف لأ معاه اللي عرف يطلع بيه من الدنيا . يعني الهرم الأكبر بتاع خوفو ادام الله في عمره استغرق بنائه عشرين سنه وتكلف حوالي 2 مليون حجر من النوع اللي انته عارفينه الحجر الواحد بحجم الغرفه طبعا بناه المصريين بسواعدهم " طبعا الشعب الغلبان هو اللي بناه " وشوفوا راح كام واحد فيه ، ودي صورة اخري من صوره الانكسار اللي احنا بنغلفه بانتصارات .
• ومرت السنين لغاية ما الناس اللي من بره مصر شموا خير مصر فقرروا انهم يجوا طبعاً عندنا ما هو الخير كتير ويفيض والحمد لله والشعب زي ماهو مش قادر يتكلم علي فكرة احنا درسنا ان من صفات الشعب المصري علي مر العصور " الأناماليه " انا مالي ياعم مين ياخد باله من العيال طبعا دي صفه معروفه فينا بسبب ان الملوك القدماء زرعوها في الحضاره وفي قلوب المصريين القداماء واحنا بالتالي ورثناها .
• انا عارف ان انا بتكلم كتير استحملوني شوية اصل دي اول مرة اكتب فيها وده الكلام اللي جه علي بالي وللحديث بقيه ان شاء الله ويجعل زماننا هو الانتصار الحقيقي .
  ويجعله عامر