الأربعاء، 20 أغسطس 2008

بعد ما شاب ضربوه بالقبقاب


ايوه فعلا هو ده حالي وحال جميع المدرسين في مصر .
إذا كنت انا اللي لسه ابن امبارح واللي متعين بقالي كام سنه صعبان عليا نفسي امال المدرسين الجهابظه اللي بقالهم اكتر من 25 سنه مدرسين يعملوا ايه في نفسيهم او نفسيتهم .
تصدقوا ان احنا هنمتحن وعاملين لينا لجان وارقام جلوس وهنروح الامتحان بالقلم الرصاص وهتجيلنا امتحانات من مصر وهندخل امتحان 3 ساعات والمرقبيين يقفوا علينا ويمسكونا بالبرشام ربنا يسترها معانا .
ده احنا مذكرناش في الكليه جايين في خلال شهر واحد يمتحنونا .
طيب هيتحنونا في ايه ؟؟؟؟؟؟؟؟؟؟؟؟؟ دي علامات استفهام ودليل علي واحد واقف مدلدل شفته التحتنيه وحاطط دماغه بين كتافه .
طيب هقولكوا حاجه احلي لما زمايلنا المدرسين سألوا انتو هتحطوا التقدير بتاع المدرس علي أي أساس رد السيد المسئول " لم يحدد بعد معيار التقويم " والنبي ده اسمه كلام .
تخيلوا ان الامتحان ده داخله مدرسين وموجهين طالعين معاش السنه الجايه وطبعا عندهم خبره في حل الأسئله لأنها كلها اختيار من متعدد .
واحنا في مصر اجدع ناس نعرف نحل من بين متعدد ( حادي بادي كرنب زبادي ) .
متنسوش تدعولي وللاخوة المدرسين المنكوبين أسف الممتحنين ان ربنا يسهلهلهم كده ويعرفوا يحلو .


تنبيه مش عايز حد يجيلي عند اللجنه ويجيب السندوتشات والعصير والبسكوته لأنه مفيش فسحه الامتحان 3 ساعات مقطوعيه واحده .
ويجعله عامرررررررررررررررررر .

هناك 18 تعليقًا:

ميرام يقول...

السلام عليكم ورحمة الله وبركاته
(:
ايه الكلام ده .؟؟
امتى حصل ..؟؟
وليه (:
هيدولكم منهج تزاكروه يعني ؟؟
ولا كل مدرس ومادته (: ؟؟
عايزة أعرف التفاصيل ..
لأنها لو كانت زي منا متخيلة ..
فممكن تبقى خطوة كويسة (:
ربنا يوفقكم ..
لي عودة ..
تحيــــــــــاتي

محمد الهادى غانم يقول...

نورتيني ميرام
بصي ياستي :
اولا موضوع الامتحانات ده تعجيزي للمدرسين لأن الريس اصدر وعوده بإصدار كادر للمعلمين ولما اتلقوا ان العمليه مكلفه عليهم قالوا يهربوا منها ازاي انهم يعملوا امتحانات للمدرسين في ايه ؟؟؟؟؟
1 - اللغه العربيه طيب فرضا انا مدرس انجليزي او العاب .
2 - التربوي طيب ما احنا اخدناه في الكليه لا ازاي لازم يفتؤا .
3 - ماده التخصص ماشي دي .

طيب احنا نذاكر منين مفيش منهج دول مدينا العنواين واحنا نلم المعلومات وبس .

طيب الامتحانات دي امتي الاسبوع الجاي ايه رأيك .

طيب واللي يسقط المدرس اللي عايز يلتحق بالاكاديمية مفيش مشاكل واللي مش عايز برضه مفيش مشاكل .


لو انتي شايفه انها خطوه كويسة قوليلي ازاي .
ويجعله عامر

وظائف أون لاين يقول...

عزيزى المدون .. عزيزتى المدونة


جائتنى فكرة عمل هذه المدونة عندما وجدت أن اغلب المدونين من الشباب واغلب المدونين اما طلبة بالجامعات أو منتظرين للوظيفة بعد التخرج وحتى المدون الذى وجد وظيفة فأنه يحصل على راتب بسيط


ولأننا كمدونين نجلس على النت بالساعات


فاننى فكرت وبحثت عن وسيلة أستطيع من خلالها زيادة دخلى وتوفير المال عن طريق النت وقلت لماذا لا نستفيد نحن معاشر المدونين من النت مادياً ومالياً


ومن هنا جائت فكرة هذه المدونة


فقمت بجمع بعض البرامج وبعض المواقع التى نستطيع من خلالها أن نتحصل على المال عن طريق العمل على النت ( بزنس أون لاين ) وعلى فكرة الموضوع بسيط ومجرب قبل ذلك وسهل ولكن يحتاج للصبر والأنتشار


والتفاصيل والشرح بالصور وكل المعلومات عن المشروع موجوده بالمدونة


يا رب الفكرة تعجبكم


ويا رب تشتغلوا وبلاش كسل وبلاش نقول مفيش شغل


الشغل موجود بس أون لاين

وظائف أون لاين يقول...

عزيزى المدون .. عزيزتى المدونة


جائتنى فكرة عمل هذه المدونة عندما وجدت أن اغلب المدونين من الشباب واغلب المدونين اما طلبة بالجامعات أو منتظرين للوظيفة بعد التخرج وحتى المدون الذى وجد وظيفة فأنه يحصل على راتب بسيط


ولأننا كمدونين نجلس على النت بالساعات


فاننى فكرت وبحثت عن وسيلة أستطيع من خلالها زيادة دخلى وتوفير المال عن طريق النت وقلت لماذا لا نستفيد نحن معاشر المدونين من النت مادياً ومالياً


ومن هنا جائت فكرة هذه المدونة


فقمت بجمع بعض البرامج وبعض المواقع التى نستطيع من خلالها أن نتحصل على المال عن طريق العمل على النت ( بزنس أون لاين ) وعلى فكرة الموضوع بسيط ومجرب قبل ذلك وسهل ولكن يحتاج للصبر والأنتشار


والتفاصيل والشرح بالصور وكل المعلومات عن المشروع موجوده بالمدونة


يا رب الفكرة تعجبكم


ويا رب تشتغلوا وبلاش كسل وبلاش نقول مفيش شغل


الشغل موجود بس أون لاين

PrInCeSS BeRy يقول...

محمددد

ازيك يا مستر عارف انا اول ما سمعت موضوع امتحانات المدرسين دة فرحت فيكوا ههههههههه اصلكوا هريتونا امتحانات ولجان تقريبا دعوة الطلبة استجابت انا استغربت الموضوع بصراحة انا خلصت طبعا بس استغربت ازاى القدوة هيدخلوا لجان ويقيموا حاجة غريبة بلد شهادات صحيح

تحياتى لك ويجعلة عامر

محمد الهادى غانم يقول...

ازيك يا بيري
انتي فين من زمان ماشي فرحانه فينا الله يسامحك .
طيب احنا كنا بنعملكو امتحانات عشان يبئو شاطرين .
طيب احنا مش شاطرين ماشي خلينا للاخر .
طيب هيمتحنونا في ايييييييييييييييه .

ربنا يسهلها ومشتكرين علي الزياره .

رحــــيـل يقول...

والله تهريج

مهوهما اصلا لو كانو خرجوا من كليات التربية مدرسين بجد كانوا وفروا على نفسهم كل ده

بس من الواضح اصلا انهم مش مقتنعين بالمناهج اللى بتدرس فى الكليات اللى جار عليها الزمن ومازلوا متمسكين بيها

اكيد هما لو بدأوا من الاول تأسيس صح مكنش حصلت المهازل دى

بس عادى يعنى بجملة العك بتاعهم
غالبا هتبقى حاجات صورية حركات وافلام وكل الناس هتنجح بس اسمهم بيطورا التعليم وبيرتقوا بالمدرسين

محمد الهادى غانم يقول...

نورتينا يا رحيل
والله كلامك عين الحق تقدري تقوليلي احنا درسنا ايه في الكليات

درسنا الكتاب اللي الدكتور حاطه عشان يكسب واللي يشتري الكتاب ينجح واللي ماشتراش مينجحش .

واضح ان الهرم التعليمي بتاع محمد علي لغاية دلوقتي متحققش .

Unknown يقول...

استاذ محمد
ازيك يارب تكون بخير
بس امتحانات اية ؟؟
ولية هم عايزين يخرجوا عليكم الكبت بتاع الطلبة ؟!!
بصراحة الوزارة بتاعتكم مبدعة كباقى الوزارات ؟؟؟؟برغم ان سبحان الله مستوى التعليم فى مصر فى النازل بأستمرار ؟!

عموما رمضان كريم
وبالنجاح والتوفيق

tarek alghnam يقول...

اخى الحبيب
الله يكون فى عونك ويوفقك
انا زوجتى مدرسه واولادى هارينها تريقه
قومى ذاكرى ياماما
حتعملى ايه فى الامتحانات
ياخوفى لاتسقطى
ااعتذرى ياماما
منك لله ياوزير التعليم
ومنك لله ياكادر ياللى حطيت من قيمه المدرسين
كل سنه وانت طيب والى الله اقرب

Gannah يقول...

أستاذ محمد
أنا عايشة القصة بكل تفاصيلها لان 3 من اخواتى دخلوا الامتحان
واللى بيحصل طبعا مهزلة والحكاية كلها صرف فلوس تروح للكبار بدل ما تروح للمدرس اللى محتاج زيادة فى مرتبه
عامة التطوير مش وحش بس مش ممكن يحصل فى يوم وليلة
ربنا معاكم
تحياتى

Unknown يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

tarek alghnam يقول...

اخى الحبيب
افتقد جديدك
كل عام وانت بخير
والى الله اقرب
تقبل تحياتى
ودمت بحفظ الله

PrInCeSS BeRy يقول...

محمد ازيييييييييييك كل سنة وانت طيب رمضان كريم عليك يارب

غير معرف يقول...

كل سنة و انت طيب

Unknown يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

ابو العربى يقول...

دى حاجه اخر مسخره واستفذاذ انا ليا وجهه نظر يعنى فى الموضوع ده هو المفروض ميجيش كده وميجيش على اساس المرتب لا هو ممكن يجى ب 100 طريقه اظرف واحسن من كده
افرض لقدر الله سقط والعيال عندك فى المدرسه عرفو هيبقى ايه شعورك سعتها دى نصيبه يا بيه
اه بالحق كنت هنسى
عيد سعيد
ابوالعربى

ربع ضارب يقول...

يا استاذ محمد دى مجرد اساليب بيعملوها علشان يتهربوا من الوعود اللى وعدوها لمدرسين مش عارفين يتلككوا بايه والله مش بعيد يقولهم الشهادات اللى معاكوا مضروبة واتفضلوا خدوا الحكاية من اولها يعنى المدرس يلقى نفسه بياخدها من اولها من كى جى تو وهو طالع على بال ما الحكومة تلاقلها صرفة وربنا يحينا ويحيهم
على فكرة ان بردوا خريجة تربية يعنى اختك فى المعانة ربنا يرحمنا من دى حكومة